Спортсментæ ерыс кодтой 3 кары категорийы: 14 азæй 16 азы онг, 16 – 18 азы онг, стæй 20 фылдæр кæуыл цæуы, ахæм къорд
Дзæуджыхъæуы арæзт æрцыд 39-æм республикон турнир рог атлетикæйæ. Спортсментæ ерыс кодтой 3 кары категорийы: 14 азæй 16 азы онг, 16 – 18 азы онг, стæй 20 фылдæр кæуыл цæуы, ахæм къорд. Уæвгæ та ерыс цыд 11 дисциплинæмæ гæсгæ. Турнир саразджытæ стыр æргом азæдхтой рог атлетикæйы программæйы æппæтæй цымыдисагдæр ерыстæм: 60 æмæ 200 метры дæргъмæ дугъ кæнын, цæлхдурты сæрты хизын, хæрдмæ æмæ дæргъмæ гæпп кæнын, стæй къори æппарын. Дыууæ бонмæ алы дисциплинæйы дæр ерыс кодтой 22 хæрзиуæджы рамбулыныл, уый та у 198 майданы. Се спортивон цæттæдзинад равдыстой канд Цæгат Ирыстоны рог атлеттæ нæ, фæлæ ма Кæсæг-Балхъары æмæ Стъараполы крайы минæвæрттæ. Турнир баст уыд, не хсæн чи нал ис, уыцы сгуыхт тренерты æмæ спортсменты ном ссарынимæ.
