Ныхас цыд, уæлдæр ахуыргæнæндон æвзаргæйæ, фылдæр цæмæ хъæуы æргом здахын, ууыл
Дзæуджыхъæуы арæзт æрцыд æхсæнад «Знание»-йы дыккæгæм ахуырадон марафон. Ныхас цыд, уæлдæр ахуыргæнæндон æвзаргæйæ, фылдæр цæмæ хъæуы æргом здахын, ууыл. Цы у информацион æдасдзинад, æмæ цæмæн у афтæ ахсджиаг ныртæккæйы рæстæджы. Уыцы, æмæ æндæр ахсджиаг фарстатыл центры ахуыргæнинæгтæн радзырдтой æхсæнады лектортæ, регионы уæлдæр скъолаты педагогтæ, PR-специалисттæ. Марафоны сæйраг хъуыды у – ног хъæппæристæ, зонындзинæдтæ æмæ профессионалты фæлтæрддзинад парахат кæнын. Æппæтæй активондæр архайджытæн марафон саразджытæ æхсæнад «Знание»-йы номæй кадджын уавæры ракодтой ахсджиаг лæвæрттæ. Уæвгæ, æхсæнад «Знание»-йы бон ахуырадон центр «Вершина»-йы арæзт æрцыд дыккаг хатт. Центр æххуыс кæны сывæллæтты æмæ фæсивæды уæлæмхасæн ахуырадæн. Уымæй дарддæр æххуыс кæнынаукон сфæлдыстадæн, скъоладзауты æмæ фæсивæды профессионализацийæн.
