Хетæгкаты Къостайы номыл Центрон парчы æрæмбырд сты ветеранты организациты регионалон хайæдты уæнгтæ, хæстон цауты архайджытæ, æхсæнадон кусджытæ, хæрзаудæн фондты активисттæ
Дзæуджыхъæуы арæзт æрцыд акци, Украинæйы сæрмагонд операцийы цы уæрæсейаг æфсæддонтæ архайынц, уыдоны фарс рахæцыны тыххæй. Хетæгкаты Къостайы номыл Центрон парчы æрæмбырд сты ветеранты организациты регионалон хайæдты уæнгтæ, хæстон цауты архайджытæ, æхсæнадон кусджытæ, хæрзаудæн фондты активисттæ, фæллойы æмæ социалон рæзты министрады территориалон органтæы минæвæрттæ, стæй Цæгат Ирыстоны уазджытæ. Акцийы архайджытæ ацы бон равдыстой, Уæрæсейы Президенты уынаффæимæ æмзонд кæй сты, уый. Уымæй дарддæр се ппæты хъуыды уыд иу – ахæм мадзæлттæ тынг ахсджиаг сты рæзгæ фæлтæры патриотон хъомылады. Цæгат Ирыстон у Уæрæсейы активондæр регионтæй иу, Донецкæй æмæ Луганскæй æрлидзæг адæмæн алывæрсыг æххуыс кæм кæнынц, ахæм, – загъта нæ республикæйы фæллойы æмæ социалон рæзты министр.
Акцийы бацархайдтой 300 адæймагæй фылдæр. Уæрæсейы æмæ Ирыстоны тырысатæ, патриотон фыстытимæ æмæ символикæимæ плакаттæ. Алы кары æмæ дæсныйæдтыл хæст адæм арфæтæ æмæ бузныджы ныхæстæ дзырдтой уæрæсейаг салдæттæн. Концертон номыртимæ сценæмæ рацыдысты Донбассæй æрлидзæг сывæллæттæ. Акци фæци ирд цауæй. Уæларвмæ суагътой урс бæлæттæ. Уыдон та нысан кодтой хæлардзинад æмæ сабыр цард.
