Уазджытæн фадат уыд кинорежиссертимæ, сценаристтимæ, продюссертимæ æмæ фестивалы президент Сергей Тютинимæ фембæлынæн
Дзæуджыхъæуы арæзт æрцыд авторон цыбырметражон кинонывты Æппæтуæрæсеон фестиваль «Арткино». Уазджытæн фадат уыд кинорежиссертимæ, сценаристтимæ, продюссертимæ æмæ фестивалы президент Сергей Тютинимæ фембæлынæн. Уымæй дарддæр ма федтой нæ бæстæйы хуыздæр цыбыр кинонывтæ. Бакастысты Сергей Тютины аивадон киноныв «Крошка»-мæ. Сæйраг роль дзы ахъазыд Плиты Николь. Æппæтуæрæсеон фестиваль «Арткино»-йæн бындур æвæрд æрцыд 2008-æм азы. Йæ саразджытæ сты: сфæлдыстадон иугонд «Мир искусства» æмæ киноскъола «Артерия кино». Арæзт фæцæуы алы аз дæр сентябры кæрон Мæскуыйы, стæй афæдзы дæргъы Уæрæсейы 50 горæтæй фылдæры. Конкурсы архайынц аивадон, документалон, анимацион æмæ эксперименталон кинонывтæ. 30 минутæй фылдæр хъуамæ ма уой. Сисынц сæ студенттæ, киноскъолаты рауагъдонтæ æмæ хæдбар автортæ.
