Архайынц дзы, районты конкурсты чи фæуæлахиз, уыцы хистæр кълæсты ахуырдзаутæ.
Дзæуджыхъæуы арæзт æрцыд, чызджыты æрвылазон конкурс «Ирон дæн æз»-ы финалон къæпхæн. Архайынц дзы, районты конкурсты чи фæуæлахиз, уыцы хистæр кълæсты ахуырдзаутæ. Кæронбæттæн ерысты фæлгæты, хъуамæ ныффыстаиккой нывæцæн, бацæттæ кодтаиккой аивадон номер æмæ равдыстаиккой, нæ рагфыдæлтæ кæмæй пайда кодтой, ахæм фæллойадон æрмæджытæ, сæ традицион хойрæгтæ, æмæ ирон уæлæдарæсы элементты тыххæй зонындзинæдтæ. Ахуырады министрад, æхсæнадон организаци «Стыр Ныхас»-ы æмæ культурæйы архайджытæ аргъ кодтой конкурсы æвзонг архайджытæн. Конкурс арæзт цæуы 5-æм хатт. Бакусы йыл æхсæнадон змæлд «Иудзинад». Конкурсы уæлахиздзаутæ æмæ сæ ахуыргæнджытæ райстой æхцайы призтæ. Фæззæджы ахæм конкурс ацæудзæн лæппутæн дæр.
