филиал вгтрк государственная телерадиовещательная компания “Алания”

Дзæуджыхъæуы арæзт æрцыд историон тест. Баст уыд, Ленинград блокадæйæ суæгъд кæныны 80 азы бонимæ. Архайдтой дзы парти «Иугонд Уæрæсе»-йы активисттæ. Тест бацæттæ кодта мобилон æфтуан «Вверх»-ы командæ. Хаст æм æрцыд 30 фарстайы блокадон Ленинграды темæмæ гæсгæ. Дзуапп радтынæн лæвæрд цыд 1 минут. Уæ зæрдыл уын æрлæууын кæндзыстæм, блокадæ ахаста 872 боны. Уыцы рæстæгмæ йæ цардæй ахицæн милуан адæймаджы онг, сæ фылдæр æххормагæй. Уый уыд Фыдыбæстæйы Стыр хæсты уæзаудæр цаутæй иу.