Ацы аз нæ горæты астæуккаг ахуыргæнæндæтты 3 ахуырдзауы уæлахиздзаутæ систы Уæрæсейы сæйраг олимпиадæйы
Дзæуджыхъæуы арæзт æрцыд, горæты администрацийы сæргълæууæг Милдзыхты Вячеслав æмæ скъоладзауты Æппæтуæрæсеон олимпиадæйы призерты фембæлд. Ацы аз нæ горæты астæуккаг ахуыргæнæндæтты 3 ахуырдзауы уæлахиздзаутæ систы Уæрæсейы сæйраг олимпиадæйы. Уыдонæй дыууæйæ сты Дзæуджыхъæуы 5-æм гимназы ахуырдзаутæ Илаты Артур æмæ Гуыбаты Аидæ, стæй 3-æм скъолайы рауагъдон Сергей Бельский. Архайдтой ахæм дисциплинæты, куыд – математикæ, биологи, æмæ æхсæнадзонынад. Милдзыхты Вячеслав раарфæ кодта рæзгæ фæлтæры минæвæрттæн, се нтыстдзинады фæдыл. Куыд загъта, афтæмæй ахæм фæсивæдæй аразгæ у нæ республикæйы æмæ нæ бæстæйы фидæн. Олимпиадæйы призертæн, Дзæуджыхъæуы адмнистрацийы номæй, радтой арфæйы фыстæджытæ, стæй сертификаттæ 50 мин сомæн.
