Дыууæ боны программæйы лекцитæ, дæсныйадæвдисæг ахуыртæ æмæ дискуссион сесситæ
Дзæуджыхъæуы арæзт æрцыд регионты хсæн наукон-практикон конференци «Офтальмология Алании». Дыууæ боны программæйы лекцитæ, дæсныйадæвдисæг ахуыртæ æмæ дискуссион сесситæ. Ныхас цыд диагностикæйы нырыккон методтыл æмæ цæстыты низтæ дзæбæх кæныныл. Ацы аз наукон форум фæпæрахатдæр кодта йæ географи. Цæгат Кавказы специалисттæй дарддæр ма дзы архайдтой нæ республикæйы медицинон академийы рауагъдонтæ. Уыдон ныртæккæ кусынц Мæскуыйы æмæ Санкт-Петербурджы клиникæты. Уый фадат радта регионалон æмæ федералон экспертты фæлтæрддзинад баиу кæнынæн. Конференцийы фæлгæты ма арæзт æрцыд нырыккон офтальмологон кусæнгæрзты равдыст. Дохтыртæн сæ бон уыд ног технологитимæ базонгæ уæвын, æмæ сæ практикæйы спайда кæнын. Ахæм мадзæлттæ Цæгат Ирыстонæн дæттынц ног гæнæнтæ профессионалон рæзтæн, æмæ кæрæдзийы фæлтæрддзинадимæ зонгæ кæнынæн.
