филиал вгтрк государственная телерадиовещательная компания “Алания”

Дзæуджыхъæуы арæзт æрцыд социалон кусæджы боны кадæн мадзал. Æрвылаз æй фæбæрæг кæнынц 8-æм июны. Социалон къабазы кусджытæн бацæттæ кодтой стыр концертон программæ. Сæ хуыздæр номыртæ равдыстой кафæн къордтæ, ансамбльтæ, артисттæ. Залы æрæмбырд сты абоны специалисттæ, фæллойы ветерантæ, республикæйы хицауады оргæнты минæвæрттæ. Раарфæ сын кодта Цæгат Ирыстоны сæргълæууæг Сергей Меняйло. Къабазы хуыздæр минæвæртты схорзæхджын кодта хæрзиуджытæй. Афтæ, адæмы социалон хъахъхъæнынады сгуыхт кусæджы ном саккаг кодтой 10 специалистæн. Мадзалы ма лæвæрд æрцыдысты республикæйы Парламенты кады гæххæттытæ.