филиал вгтрк государственная телерадиовещательная компания “Алания”

Национ наукон библиотекæйы арæзт æрцыди æхсæнадон архайæг, ирон адæмы истори æмæ культурæйы тыххæй чингуыты автор Таматы Таймуразы сфæлдыстадон изæр. Уæлладжыры комы атлæсы автор, хæххон аграрон унивæрситеты ахуыргæнæг сбæрæг кодта йæ 75 азы юбилей. Таматы Таймураз йæ цард сбаста йæ адæмы традицитæ хъахъхъæнын æмæ сæ парахат кæнынимæ. Юбилярæн арфæ ракæнынмæ æрбацыдысты йæ хиуæттæ, хæлæрттæ æмæ йе мкусджытæ. Стыр концертон программæ саив кодтой республикæйы сфæлдыстадон къордтæ æмæ вокалон-инструменталон ансамбльтæ. Таматы Таймуразæн арфæ ракодта Парламенты сæрдар Тускъаты Таймураз. Радта йын закъондæттæг оргæны арфæйы фыстæг.