филиал вгтрк государственная телерадиовещательная компания “Алания”

Дзæуджыхъæуы арæзт æрцыдысты дæсныйадæвдисæг ахуыртæ сценикон змæлдæй. Тренингы архайджытæ систы республикæйы аивæдты колледжы студенттæ. Æрыгон актертæн йæ фæлтæрдзинад нæ бавгъау кодта Мæскуыйы аивадон академион театры студийы педагог Засеты Батраз. Уæнгты рог айст æмæ хиуыл æууæндын, хорз спортивон цæттæдзинад. Засеты Батразы ныхæстæм гæсгæ сценикон змæлд у сæйрагдæр хъуыддаг кинодисциплинæты. Хорз актер хъуамæ зона йæхи сценæйы æмæ киноисæн фæзы равдисын, цæмæй йæ бон уа режиссеры цыфæнды хъуыды дæр сæххæст кæнын.  Дæсныйадæвдисæг ахуыртæ æххæст кæнгæйæ, Засеты Батраз фæсивæдæн радзырдта йæхи методикæты тыххæй дæр.