Кабардинкæйæ труппæ йе сфæлдыстад раргом кодта Евгений Вахтанговы номыл Академион Уырыссаг театры сценæйы
Дзæуджыхъæуы арæзт æрцыдысты Зæронд Парчы театры гастрольтæ. Кабардинкæйæ труппæ йе сфæлдыстад раргом кодта Евгений Вахтанговы номыл Академион Уырыссаг театры сценæйы. Равдыста, Островскийы пьесæмæ гæсгæ æвæрд спектакль «Свои люди – сочтемся!». Цæгат Ирыстонмæ коллектив æрбахуыдтой æртыккаг аз фæд-фæдыл. Нæ республикæйы театрдзаутæ йæ бауарзтой. Ацы хатт дæр та уымæн æвдисæн. Бæлвырддæр хабæрттæ радзурдзæн Чехойты Фатимæ.
Æнусты тых дæр йæ ахсджиагдзинад кæмæн нæ ивы, ахæм сюжет. Александр Островскийы пьесæ «Свои люди – сочтемся!» -йы комеди æмæ драмæйы *хсæн арæн фехæлдта æфсæйнаг æхцайы зæлланг.
Пьесæ *вдисы купецаг хæдзары цард. Бинонты хистæр – хъæздыг Самсон Большов, цæмæй йæ хæстæй схицæн уа, уый тыххæй сфæнд кодта йæхи банкрот схонын. Йæ мулк ныффыста приказчик Лазарь Подхалюзиныл, кæцы фæстæдæр сси йæ сиахс. Самсонæн йæ сайæн митæ рабæрæг сты. Йæ чызг Липочкæ æмæ йæ сиахс Лазарьмæ бацыд æххуысагур, фæлæ – дзæгъæлы, ницæмæй йæм фæкастысты. Комедийы хъайтартæн сæйраг адæймаджы хуыздæр миниуджытæ не сты, фæлæ – æхца. Зæронд Парчы театры къорд ирдæй равдыста æхсæнады хъæндзинæдтæ.
Актертæн ацы спектакль хуымæтæг куыст нæу, у балц адæймаджы арф миддунемæ. Денис Пирожков куыд фæбæрæг кодта, афтæмæй Зæронд Парчы театрмæ кусынмæ куы *рбацыд, уæд ын Лазарь Подхалюзины роль сси йæ фыццаг куыст. Цалдæр азы саразы приказчикы сурæт. æмæ кæд роль сæйраг нæу, уæддæр у ахсджиаг.
Зæронд Парчы театр Цæгат Ирыстонмæ фæд фæдыл ссыд ныр æртыккаг хатт. Труппæ фæархайы Евгений Вахтанговы номыл Академион уырыссаг театры сценæйы. Коллективтæ арæх саразынц гастрольтæ. Кабардинкæйы театрæн Дзæуджыхъæу у аивадæн стыр аргъгæнджыты горæт. Йæ къорд уый тыххæй ссæуы ардæм зæрдиагæй.
Постановкæ «Свои люди – сочтемся!» ирон театрдзауты зæрдæты ныууагъта арф фæд. Зæронд Парчы театр рагæй сси уарзон республикæйы цæрджытæн. Йæ актертæ ма Дзæуджыхъæуккаг театрдзаутæн иу æмæ дыууæ хатты нæ равдисдзысты сæ курдиат ирд æмæ цымыдисаг постановкæты.
