Нырыккон социалон кусæнуаты уыдзæн 200 бынаты, арæзт цæуы национ проект «Бинонтæ»-м гæсгæ
Дзæуджыхъæуы аразынц ног хæдзар-интернат ацæргæ адæмæн æмæ инвалидтæн. Нырыккон социалон кусæнуаты уыдзæн 200 бынаты. Арæзт цæуы национ проект «Бинонтæ»-м гæсгæ. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Ныртæккæ куыстытæ уыцы-иу рæстæг цæуы 4 блокы. Дыууæуæладзыгон бæстыхай уыдзæн курортон зонæйы, Доны станцæйы раз. Уыдзæн дзы иу, дыууæ æмæ æртæбынатон агъуыстытæ. Территорийы уыдзæн тезгъогæнæн фæндæгтæ, минимаркет æмæ стыр оранжерея. Объекты уыдзæн зæрдæмæдзæугæ уавæртæ цæрынæн æмæ ирхæфсæн зонæтæ. Алы уæладзыджы дæр – библиотекæ, компьютерон кълас, кинозал, спортивон æмæ тренажерты залтæ. Проектмæ гæсгæ ма уыдзæн хæрæндон, медицинон кабинеттæ, сенсорон агъуыстытæ, чысыл цæлгæнæн. Сергей Меняйло куыд загъта, афтæмæй уæлдай ахсджиаг у, йе *нæниздзинад хъыгдард кæмæн у, уыцы адæмæн æппæт уавæртæ кæй уыдзæн, уый.
