Арæзт æрцыд курдиатджын кафæг, балетмейстер æмæ хореограф Битарты Зауырбеджы номыл
Дзæуджыхъæуы ацыд фыццаг æппæтадæмон фестиваль – хореографион аивады конкурс «Зауырбег». Арæзт æрцыд курдиатджын кафæг, балетмейстер æмæ хореограф Битарты Зауырбеджы номыл. Уый се *ппæтæй раздæр профессионалон сценæйы акодта хъаматимæ кафт. Цæгат Ирыстоны кад хъахъхъæдта Паддзахадон Академион кафты ансамбль «Алан». Бæстондæр радзурдзæн нæ уацхæссæг Чехойты Фатимæ.
Æрмæст хореографи нæу, фæлæ рæсугъд æмæ тæссаг аивад. Хъаматимæ кафт рæдыд нæ хатыр кæны, домы лæмбынæг ахаст. Се *ппæтæй раздæр æй акодта ирон кафæг, балетмейстер Битарты Зауырбег. Æппæтадæмон фестиваль-конкурсæн артисты ном уый тыххæй радтой. Хореографион мадзал саразыны хъæппæрис сæвзæрд Битарты Зауырбеджы ахуыргæнинаг ансамбль «Алан»-ы аивадон разамонæг Козаты Зелимханы зæрдæйы.
Сæ дæсныйад равдыстой артисттæ бæстæйы алы рæттæй. Архайджыты *хсæн ансамль «Алан»-ы солист Годжысаты Аслæнбег. Конкурсы хатдзæгтæм гæсгæ рамбылдта фыццаг бынат. Йæ дæсныйадæй ма иу хатт равдыста, Битарты Зауырбеджы ном рох кæй нæу, йæ курдиат артисттæн у дæнцæгæн хæссинаг кæй у, уый.
«Зауырбег» æрмæст конкурс нæу, фæлæ зындгонд артисты кадæн арæзт мадзал, зæгъы жюрийы уæнгтæй иу – ансамбль «Кабардинка»-йы аивадон разамонæг Игорь Атабиев. Йæ ныхæстæм гæсгæ, фестиваль у стыр хореографион змæлды райдиан.
Фестиваль саразджытæ нысан кæнынц фестивалы программæ ног аз фæуæрæхдæр кæнын, бафтауын ма йæм æндæр номинацитæ дæр. Йæ архайджытæ та уыдзысты æрмæст зындгонд солисттæ нæ, фæлæ æрыгон артисттæ дæр.
