филиал вгтрк государственная телерадиовещательная компания “Алания”

Дзæуджыхъæуы ацыд  ирон адæмы хъæзтыты Спартакиадæ «Нартикæ «скъоладзауты *хсæн. Республикæйы гимн, ирон кæфтытæ, хистæрты арфæтæ – ерыстæ байгом кодтой кадджын уавæры. Архайдтой дзы 8 командæйы Дзæуджыхъæуæй æмæ республикæйы районтæй. Алы командæйы дæр уыди 6 æрыгон богалы. Бæндæнæй æмæ æхсаргардæй хъазт, уæхскæй дур æппарын, ивазæнтæ – ацы хъæзтыты лæппутæ æвдыстой сæ тых æмæ цæрдæгдзинад. Уæлахиздзауты схорзæхджын кодтой майдантæй æмæ кубоктæй. Спартакиадæ æрвылаз национ бæрæгбон Джеоргуыбайы размæ саразынц республикæйы фæсивæды комитет æмæ фæсивæды æфсæддон-патриотон хъомылады Центр.