Экспертон жюрийы цур сæ арæхстдзинад равдыстой хуыздæртæй-хуыздæртæ
Дзæуджыхъæуы ацыд Ирыстоны медицинæйы рæзты премийы финал. Экспертон жюрийы цур сæ арæхстдзинад равдыстой хуыздæртæй-хуыздæртæ. Уæлахизддзауты бæрæг кодтой 3 номинацимæ гæсгæ. Уый, «Ирыстоны территорийы фыццаг операци скæнын», Низы диагностикæ æмæ йе дзæбæх кæнынæн ног методтæ æххæст кæнын», «Наукон публикаци». Конкурсы архайджытæн сæ докладтæ бакæсынæн лæвæрд цыди 7-гай минуттæ, уыцы рæстæгмæ хъуамæ радзырдтаиккой сæ куысты, æмæ се рхъуыдыдзинæдты ахадындзинады тыххæй. Уый фæстæ та се ппæт дзуæппытæн дзуапп радтын. Конкурсанттæн жюри аргъ кодта хъæлæс кæныны руаджы. Ацы преми лæвæрд цæуы фыццаг хатт. Йæ саразджытæ куыд зæгъынц, афтæмæй сæ сæйраг нысан у – курдиатджын дохтырты сæ уникалон практикæ æмæ наукон куыстыты фæрцы рабæрæг кæнын.
