филиал вгтрк государственная телерадиовещательная компания “Алания”

Дзæуджыхъæуы ацыди Цæгат Кавказы федералон зылды медиацийы рæзтимæ баст конференци. Ацы термин уæрæсейаг закъонæвæрынады нымад у раззагдæр куысты хуызыл. Æмбырды фембæлдысты паддзахадон оргæнты æмæ бизнесы минæвæрттæ, стæй, кæй зæгъын æй хъæуы, медиатортæ сæхæдæг. Æрныхас кодтой ацы къабазы хуыздæр фидæныл. Сæйрагдæр фарстатæй дзы иу уыди  – адæм фидауынгæнæн процедурæты тыххæй цас зонынц, уый. Эксперттæ куыд зæгъынц, афтæмæй ацы механизм ахадгæ уыдзæни æрмæст бизнесы нæ, фæлæ бинонты æмæ граждайнаг бартæ хъахъхъæнынады дæр.