Фыццаджыдæр стыр æргом здахынц къахвæндæгтæм, фистæгæйцæуджытæн ахизæнтæм стæй асфальты хæрзхъæддзинадмæ
Æппæтуæрæсеон адæмон фронты активисттæ, паддзахадон автоинспектортæ æмæ Дзæуджыхъæуы администрацийы кусджытæ бæрæг кæнынц скъолатæм хæстæг фæндæгты уавæр. Фыццаджыдæр стыр æргом здахынц къахвæндæгтæм, фистæгæйцæуджытæн ахизæнтæм стæй асфальты хæрзхъæддзинадмæ. Æхсæнадон кусджыты бæрæггæнæн куыст цы равдыста, уый тыххæй радзурдзæн Фидараты Маринæ.
«Скъоламæ фæндагмæ» бæстон цæстдард цæуы æппæтуæрæсеон адæмон фронты минæвæртты рдыгæй. Æхсæнадон кусджытæ мониторинг кæнынц республикæйы иумæйаг уавæрæн. Бæстон кæсынц – подъездтæ куыд аивгонд сты, стæй скъолатæм хæстæг фæндæгтæ æдасдзинады домæнтæн дзуапп дæттынц, æви нæ, уымæ. Объекттæй иуы тыххæй хъаст бахастой – гимназ «Диалог»-ы раз цæрæн хæдзæртты цæрджытæ. Асфальтæй бацæуæн æм нæ уыд.
Нырæй фæстæмæ ахуырдзаутæн скъоламæ бацæуæн уыдзæн æнцондæр. Уый нæ зæгъдзынæ Къесаты Астаны уынджы 41-æм скъолайæ. Уым лыггæнинаг фарстатæ баззад. Иуæй æгæр ныллæг æмæ зæронд бырæ, стæй пырх фæндæгтæ.
Æппæтуæрæсеон адæмон фронты кусджытимæ иумæ бæрæггæнæн куысты архайдтой паддзахадон автоинпсектортæ, стæй Дзæуджыхъæуы администрацийы специалисттæ. Уыдон куыд загътой, афтæмæй ацы скъолайы фарстатимæ зонгæ сты, æмæ сæ бацархайдзысты пъланмæ бахæссын.
Æппæтуæрæсеон адæмон фронты специалисттæ зæгъынц, цы 3 объектмæ æркастысты, уыдонæй дыууæ нырыккон домæнтæн дзуапп дæттынц. Æмтгæй райсгæйæ, æхсæнадон кусджытæ бафиппайдтой – Дзæуджыхъæуы администрацийы кусджытæ фарстатæ алыг кæныныл зæрдиагæй кæй архайынц. Афтæ бæстон базылдысты Зæнджиаты Владимиры уынгмæ, 17-æм скъоламæ бацæуæны сæвæрдтой асфальт.
