филиал вгтрк государственная телерадиовещательная компания “Алания”

Дзæуджыхъæуы байгом адæмон хæдзарады æнтыстытæ æмæ национ сувенирты равдыст. Экспозици баст у Хетæджы бонимæ. Музыкалон инструменттæ, уæлæдарæс, хъæдæй конд дзаумæттæ, хæдзары мигæнæнтæ – æмæ уый æрмæстдæр равдысты гыццыл хай. Экспозицийы алы элемент дæр ирдæй æвдисы национ æууæлтæ æмæ Цæгат Ирыстоны традицитæ. Сæ куыстытæ дзы равæрдтой республикæйы алы районтæй æрмдæснытæ. Равдыст бабæрæг кæнын æмæ хæдбындур культурæйы хай суæвыны бафæндыд Дзæуджыхъæуы цæрджыты æмæ уазджыты, уый бæрæг уыди, равдыст куыд зæрдиагæй бæрæг кодтой, уымæй.