Экспозици йæ автор схуыдта «Вы вообще люди?»
Дзæуджыхъæуы байгом хуызистыты цымыдисаг равдыст. Йæ автор у хъуыстгонд къамисæг Гокъоты Алисæ. Экспозицийы æрæмбырд кодта 12 зæрдæхалæн цауы. Баст сты сылгоймаджы хъысмæтимæ. Алы истори дæр у хицæн ныхасы аккаг. Цæмæй бафтыдта дисы ацы проект, уый тыххæй бæстон радзурдзæн нæ уацхæссæг Гæджиты Сослан.
Сæ цæсгæмттæ сты æхгæд. 12 зæрдæхалæн цауы. Æмæ се ппæт дæр баст сты сылгоймæгты хъысмæтимæ. Бæлвырддæр та – æфхæрд митимæ. Се хсæн ис проекты авторы, хъуыстгонд къамисæг Гокъоты Алисæйы зонгæтæ æмæ æмбæлттæ. Нывты нымæц хъуамæ уыдаид æртындæс. Фæлæ равдыст байгом кæныны агъоммæ йæ иу архайæджы нал бафæндыд йæ цард адæмы размæ рахæссын.
Экспозици йæ автор схуыдта «Вы вообще люди?». Йæ ныхæстæм гæсгæ, проектыл куыста 5 азы. Проекты алы архайæгимæ дæр фембæлд йæхæдæг. Уыимæ канд фотостудийы нæ. Æфхæрд сылгоймæгтæй истой интервью. Алы истори дæр куыд хуызисты иу хай. Æмæ йемæ базонгæ уæвын у алкæйы бон дæр.
Равдысты ис сæрмагонд стендтæ. Уым та фенæн ис социалон хызты пайдагæнджыты алыхуызон хъуыдытæ. Уæвгæ та Гокъоты Алисæйæн ацы аз у фыццаг равдыст. Байгом Коцойты Арсены уынджы Терчы былгæрон. Феныны фадат æй уыдзæн алкæмæн дæр ацы мæйы кæроны онг.
