Равдыст баст у ирон литературæйы бындурæвæрæг æмæ Ирыстоны фыццаг проффесионалон нывгæнæг Хетæгкаты Къостайы райгуырды 160 азы бонимæ.
Дзæуджыхъæуы байгом ис Уæрæсейы Хуссар хайы регионты нывгæнджыты хсæн симпозиум. «Иугонд бæстæйы национ æууæлтæ»
Равдыст баст у ирон литературæйы бындурæвæрæг æмæ Ирыстоны фыццаг проффесионалон нывгæнæг Хетæгкаты Къостайы райгуырды 160 азы бонимæ. Цæгат Ирыстон традицимæ гæсгæ у, нывгæнджытæ кæм æрæмбырд вæййыц, ахæм бынат. Æрвылаз ардæм æрæмбырд вæййынц сфæлдыстадон интеллигенцийы минæвæрттæ. Дзæуджыхъæуы базонгæ вæййынц кæрæдзийы фæлтæрддзинадимæ, æмæ сфидар кæнынц æмгуыстады бадзырдтæ. Ацы хатт мадзæлттæ цæудзысты 16-æм октябры онг. Проекты нысан у, алы нациты æмæ динтыл хæст адæмы сфæлдыстады уылты баиу кæнын. Симпозиум æххæстгонд цæуы, Уæрæсейы регионты хсæн бастдзинæдтæ фидар кæныны культурон программæйы фæлгæты. Программæмæ бахастой Дзæуджыхъæуы, Къостайы райгуырæн хъæу Нары, Фыййагдоны, Дæргъæвсы æмæ Цхинвалы алы фæзты фембæлдтытæ. Уымæй уæлдай, дæсныйадæвдисæг ахуыртæ скæндзысты æмæ лекцитæ бакæсдзысты ЦИПУ-йы студенттæн, Дзанайты Азанбеджы номыл Дзæуджыхъæуы аивæдты, æмæ Цхинвалы Тугъанты Махарбеджы нывкæнынады училищæты ахуырдзаутæн. Форумы географи у егъау. Архайынц дзы Адыгейы, Дагестаны, Кæсæг-Балхъары, Краснодары крайы, Ростовы облæсты, Стъараполы крайы, Волгограды, Хъырымы æмæ бæстæйы æндæр регионты профессионалон нывгæнджытæ.
