Нырæй фæстæмæ се ппæтæн дæр фадат уыдзæн техникон фæрæзтæ рæстæгмæ райсынæн
Сыгъдæг уæлдæфы атезгъо кæнын, æмæ хорз æнкъарæнтæй фæхайджын уæвын. Дзæуджыхъæуы байгом, йе нæниздзинад хъыгдард кæмæн у, ахæм адæмæн реабилитацийы фыццаг станцæ «Лесотерапия для каждого». Нырæй фæстæмæ се ппæтæн дæр фадат уыдзæн техникон фæрæзтæ рæстæгмæ райсынæн. Уыимæ æппæт уавæртæ арæзт æрцыдысты ацæргæ адæмæн, æнхъæлцау сылгоймæгтæн, сывæллæттæн, стæй, сæрмагонд æфсæддон операцийы фæстæ реабилитаци кæй хъæуы, уыцы æфсæддонтæн. Проекты тыххæй бæлвырддæр радзурдзæн Касаты Наирæ.
Мæргъты зарын, сыгъдæг уæлдæф, æрдзы нывтæ – адæймаджы уды æнцойдзинадæн æрхæссынц æхсызгон æнкъарæнтæ. Хъæды тезгъо кæнын æнæниздзинадыл ахады иттæг хорз.
Фæлæ ахæм фадат се ппæтæн нæ вæййы. Тотраты Линæйæн кæддæр æнæ коляскæйы æххуысæй йæхи бон цæуын нæ уыди. Уæд æм фæзынди, йе нæниздзинад цудыд кæмæн у, ахæм адæмæн реабилитацион станцæ саразыны бæллиц дæр.
Йæ хъуыдытæ царды уадзын Линæ райдыдта фарон, æмæ ныр йæ сæйраг бæллиц сæххæст. «Лесотерапия» у социалон проект. Реабилитацион станцæйы адæмæн сæ бон прокаты райсын у тезгъогæнæн креслотæ æмæ æрмæст уый нæ. Ис дзы алцыппæт дæр, цæмæй йе нæниздзинад цудыд кæмæн у, уыцы адæм сæхи уæнгрогæй æнкъарой, уымæн. Дендрарийы ахæм тезгъо ахæссы цалдæр сахаты онг дæр. Проект конд у ацæргæ адæмæн, сæрмагонд æфсæддон операцийы архайджытæй демобилизацигонд чи у, уыдонæн, æнхъæлцау сылгоймæгтæн, стæй инвалидтæн. 7 æнцонархайд æмæ ирд креслойы. Психологтæ куыд зæгъынц, афтæмæй бурбын хуыз адæймаджы психологон уавæрыл ахады хорзырдæм. Ацы хуыз у æхсызгондзинад хæссыгыл нымад.
Линæ йæ хъæппæрис сæххæст кæныныл архайын радыдта йæхи фæрæзтæй. Уый фæстæ йын баххуыс кодтой Дзæуджыхъæуы администраци æмæ фæллойы æмæ социалон рæзты министрад. Станцæ байгом кæныны кадджын мадзалы архайдтой республикæйы хицауады сæрдары хæдивæг Платы Альбинæ, фæллойы æмæ социалон рæзты министр Айдарты Алинæ æмæ администрацийы сæргълæууæджы хæдивæг Ходы Мæдинæ.
Ног проект адæмы зæрдæмæ тынг фæцыди. Бирæтæ дендарийы сыгъдæг уæлдæфы сæ рæстæг æрвитынц, уыимæ та фидардæр кæнынц се нæниздзинад.
Ацы проект архайы граждайнаг хъæппæристы æппæтуæрæсеон конкурсы æмæ курдиат балæвæрдта президенты грант райсынмæ. Алцыдæр арæзт цæуы проекты райрæзтыл. Нысанты ахæм станцæтæ горæты иннæ фæлладуадзæн бынæтты дæр саразын.
