Йæ саразынæн колледж грант рамбылдта Уæрæсеаг змæлд «Движение первых»-æй
Цæгат Ирыстоны базарадон-экономикон колледжы кадджын уавæры байгом республикæйы сывæллæттæ æмæ фæсивæдæн патриотон фестиваль. Йæ саразынæн колледж грант рамбылдта Уæрæсеаг змæлд «Движение первых»-æй. Проект баст у Кавказыл тохы 80-ай азимæ. Форум арæзт цæуы 13 азæй 18 азы онг кæуыл цæуы, ахæм рæзгæ фæлтæрæн, се хсæн скъоладзаутæ æмæ астæуккаг сæрмагонд ахуыргæнæндæтты минæвæрттæ. Фестивалы сæйраг нысан – фæсивæдмæ патриотон æнкъарæнтæ гуырын кæнын. Уый у «Движение первых» царды цы 5 проекты уадзы, уыдонæй иу. Рæзгæ фæлтæр сæхи хъарутæй бацæттæ кодтой концерт. Æвзонг æфсæддонтæ Паддзахадон гимнты зæлтæм рахастой Уæрæсейы æмæ Цæгат Ирыстоны паддзахадон тырысатæ. Мадзал рауад бæрæгбонау. Сæйрагдæр та уый, æмæ фæсивæдæн сæ рæстзонд миддуне фидар кæнынæн пайдайаг.
