Фонд кусдзæн цалдæр къабазы — медицинон реабилитаци, санаторон-курортон мадзæлттæ, лæвар хостæй æххæст кæныны, психологон, социалон адаптаци, юридикон æххуыс æмæ æндæртæ
Дзæуджыхъæуы байгом сæрмагонд æфсæддон операцийы архайджытæн æххуысы фонды филиал «Фыдыбæстæ хъахъхъæнджытæ». Фонд сарæзтой Уæрæсейы президент Владимир Путины уынаффæмæ гæсгæ, цæмæй æфсæддон операцийы архайджытæн æмæ сæ бинонтæн кæной бирæвæрсыг æххуыс, уыимæ консультативон лæггæдтæ дæр. Фонд кусдзæн цалдæр къабазы — медицинон реабилитаци, санаторон-курортон мадзæлттæ, лæвар хостæй æххæст кæныны, психологон, социалон адаптаци, юридикон æххуыс æмæ æндæртæ. Цæгатирыстойнаг хайады кусдзæн 25 адæймаджы. Уыдон се ппæт дæр ацыдысты сæрмагонд ахуыртæ. Фонд ис Марковы æмæ Дзанайы фырты уынгты тигъыл.
