Сапицкийы фæлладуадзæн бынатмæ кадджын хистæр машинæйыл æрбацыд йæхæдæг
Дзæуджыхъæуы чекистты аллеяйы кадджын уавæры раарфæ кодтой æдасдзинады паддзахадон службæйы оргæнты ветеран Дауиаты Æхсарбегæн. Сæххæст ыл 95 азы. Сапицкийы фæлладуадзæн бынатмæ кадджын хистæр машинæйыл æрбацыд йæхæдæг. Аллеяйы цы обелиск ис, уый раз сæвæрдта дидинджытæ. Республикæйы сæргълæууæджы æххуысгæнæг Хъуыссæты Мæирбег Дауиаты Æхсарбегæн раарфæ кодта Сергей Меняйлойы номæй æмæ йын радта бузныджы гæххæтт. Кады гæххæтт ын саккаг кодта Цæгат Ирыстоны Парламент дæр. Дауиаты Æхсарбег Советон Цæдисы паддзахадон æдасдзинады комитетмæ бацыд 1953-æм азы. Фæкуыста дзы 30 азы. Службæ фæцис майоры цины. Йе нæзæрдæхудт фæллойы тыххæй хорзæхджынгонд уыд бирæ хæрзиуджытæй. Чекистты аллеяйы кадджын мадзалы архайдтой Æхсарбеджы хиуæттæ, æвзонг æфсæддонтæ.
