филиал вгтрк государственная телерадиовещательная компания “Алания”

Дзæуджыхъæуы дарддæр аив кæнынц Сабырдзинады проспект. Куыстыты цыд сбæрæг кодта администрацийы разамонæг Фæрниаты Тамерлан. Уæ зæрдыл уын лæууын кæнæм – горæты сæйраг аллеяйы рацарæзт райдыдта фарон. Ныртæккæ та ивынц трамвайы фæндæгтæ, фистæгæйцæуæн фæндаджы цъар æмæ йæ быны цы коммуникацитæ цæуы, уыдон. Фидæны Сæрибардзинады фæзы сæвæрдзысты фонтан, стæй йæ саив кæндзысты гранитæй. Куыстытæй администрацийы разамонæг баззадис разыйæ, æрмæст подрядон куыстуатмæ фæсидтис, цæмæй нысангонд æмгъуыд ма фехалой, уый тыххæй. Поспекты галиу хай æмæ Сæрибардзинады фæз сцæттæ уыдзысты фыццæгæм маймæ, проспекты рахиз хай та майы бæрæгбæтты фæстæ.