Реставратортæ бахъахъхъæдтой уникалон æмбæрзæн дур, кулдуар æмæ агуридур барон Штейнгелы нысантимæ
Дзæуджыхъæуы дарддæр реконструкци кæнынц Евгений Вахтанговы хæдзар-музей. Реставратортæ бахъахъхъæдтой уникалон æмбæрзæн дур, кулдуар æмæ агуридур барон Штейнгелы нысантимæ. Специалисттæ архайынц бæстыхайæн йæ рагон хуыз раздахыныл. Мæскуыйы Евгений Вахтанговы номыл Паддзахадон академион театры директор Кирилл Крок Дзæуджыхъæуы бабæрæг кодта реставрацион æрмадз «СКИФОС-РСК». Базонгæ, куыст куыд цæуы Вахтанговы хæдзарæн цы сæрмагонд фигурæтæ аразынц, уыимæ. Æппæт куыстытæм дæр сæ цæст дарынц культурон бынтæм хаст объекттæ хъахъхъæнæг комитет. Реставрацийы фæстæ хæдзар райсдзæн йæ раздæры хуыз. Нудæсæм æнусы æвдайæм азты арæзт бæстыхайыл рæстæг йæ фæд ныууагъта, æмæ йыл биноныгæй бакусын хъæуы. Кирилл Крок хæдзарыл куыд архайд цæуы, уый феныны фæстæ сарæзта æмбырд. Реставрацион куыстытæ хъуамæ конд фæуой уалдзæджы. Бастыхайы æрбынат кæндзæн Евгений Вахтанговы номыл культурон центр