Куыстыты сæйраг нысан – бæстыхай сног кæнын, стæй ма йын йæ историон хуыз бахъахъхъæнын
Дзæуджыхъæуы дарддæр цæуы Евгений Вахтанговы хæдзар-музейы егъау рацарæзт. Куыстыты сæйраг нысан – бæстыхай сног кæнын, стæй ма йын йæ историон хуыз бахъахъхъæнын. Ахæм хæс сæвæрдтой реставраторты раз. Куыстытæм бавнæлдтой ивгъуыд аз ноябры. Проектмæ гæсгæ бæстыхайы уыдзæн театралон зал, арт-кафе. Уымæй дарддæр сног кæндзысты мастеры фатеры историон интерьер. Бæстыхайы æддаг бакасты рацарæзты рæстæг пайда кæнынц барон Штейнгелы зындгонд дзæуджыхъæуккаг агуыридур. Фыццæгæм уæладзыджы куыстытæ кæронмæ фæхæццæ кæнынц. Сног ма кæндзысты сæйраг быру. Сæвæрдтой йæ 1970-йæм азы. Рацарæзты куыстытæ кæны компани «Скифос-РСК». Хæстæгдæр рæстæг нысан кæнынц инженерон системæты монтаж райдайын.
