Ныртæккæ специалисттæ сыгъдæг кæнынц цадтæ, ног кæнынц канализацион æмæ дондзæуæн системæтæ
Дзæуджыхъæуы дарддæр цæуы Хетæгкаты Къостайы номыл фæлладуадзæн центрон парчы рацарæзт. Ныртæккæ специалисттæ сыгъдæг кæнынц цадтæ, ног кæнынц канализацион æмæ дондзæуæн системæтæ. Къуырийы æмгъуыдмæ хъуамæ ацы куыстытæ фæуой, æмæ райдайдзысты бордюртæ æвæрын. Уымæй уæлдай, парчы цалцæг кæнынц æртæ фонтаны. Куысджыты размæ вæрд ис рагон хидтæм базилыны хæс дæр. Рацарæзт хъуамæ фæуа октябры кæронмæ. Ныридæгæн сæ къухы бафтыд парчы дæллаг хайы куыстыты фылдæр хай фæуын, ныффидар кодтой Терчы былгæрæтты бырутæ дæр. Стыр æргом здæхт цæуы цъæх фæлыстмæ. Фæлладуадзæн объекты ныссагътой 2 мины 8 сæдæ кв метрысамшиттæ, 9 мин кв метры газон, æмæ бирæ æндæр авигæнæн зайæгойтæ. Фæзынди дзы 75 ног бандоны, рухсгæнæнтæ, 4 чысыл хиды, сног кодтой хъазæн фæз дæр. Уæ зæрдыл уын æй лæууын кæнæм, парчы рацарæзт цæуы федералон программæ «Горæты æнцонвадат архайд» æххæстгæнгæйæ. Ацы аз ын дихгонд æрцыди 70 милуан сомы.
