26 сентября 2024, 15:58
Дзæуджыхъæуы дарддæр цæуы сывæллæтты 3-æм поликлиникæйы бындурон цалцæг
Фесты æппæт демонтажон æмæ электротехникон куыстытæ
Дзæуджыхъæуы дарддæр цæуы сывæллæтты 3-æм поликлиникæйы бындурон цалцæг. Фесты æппæт демонтажон æмæ электротехникон куыстытæ. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Специалисттæ баивтой бæстыхайы сæр, лифты кусæнгæрзтæ, сæвæрдтой вентиляцион системæ. Ныртæккæ объекты цæуынц мидæгæй аивгæнæн куыстытæ. Кусджытæ кæнынц штукатуркæ æмæ шпатлевкæ, ахорынц агъуыстытæ, æвæрынц плиткæ пъолтыл æмæ къултыл. Базилдзысты разуындмæ дæр. Поликлиникæмæ бацæуæны æнæмæнг уыдзæн пандустæ. Республикæйы сæргълæууæджы ныхæстæм гæсгæ, медицинон æххуысы хæрзхъæддзинад бæрзонддæр кæнын æнтысы напроект «Æнæниздзинадхъахъхъæнынад»-ы фæрцы.
темæмæ гæсгæ