филиал вгтрк государственная телерадиовещательная компания “Алания”

13:42 пятница, 06 июня 2025
28 июня 2024, 11:35
Дзæуджыхъæуы дидинæг ракалдтой фидæны ботаникон цæхæрадоны фыццаг талатæ

Дзæуджыхъæуы дидинæг ракалдтой фидæны ботаникон цæхæрадоны фыццаг талатæ. Инвестицион проект хорзыл банымадтой 2022-æм азы. Радих ын кодтой зæххы хай 8 гектары æмæ рдæг. Цæхæрадон арæзт уыдзæн 8 уаццагæй. Ныртæккæ специалисттæ кусынц фæсарæйнаг зайæгойтимæ. Фæззæджы райдайдзысты уардитæ садзын., стæй уæд уалдзæджы ракалдзысты тюльпантæ. Рæсугъд бынаты тыххæй бæлвырддæр радзурдзæн Чехойты Фатимæ.

Ам цыма рæсугъддæр зынаргъ дуртæ – сапфиртæ æмæ амæтисттæ акалдæуыд. Ботаникон цæхæрадон саразыны проект радта йæ фыццаг тыллæг фиолетон хуызы. Уый ракалдта лавандæ. Ацы зайæгой у фæразон. Цæгат Ирыстоны климæты хорз зайы. Фидæны, ныр цы фæзыл сагъд у, уый дыууæ хатты фæуæрæхдæр кæндзысты. Ныссагътой йæ фарон уалдзæджы. Быдыры фенæн ис зайæгойы 5 хуызы. Сайраг дæр дзы у иу – «Синева». Иннæтæй саив кæндзысты ботаникон цæхæрадоны территори. Дидинджытæ садзынæн хуыздæр рæстæг – фæззæг. Ам ис 8 хайы. Алкæцыйæн дæр уыдзæн йæхи стиль. Проекты автор у Дзæукъаты Алена. Уый ма йе*мкусджытимæ фæнд кæны саразын англисаг, францусаг æмæ япойнаг цæхæрадæттæ дæр. Кусынц ма, хицæн фæзтæ Америкæ æмæ Кавказы зайæгойтимæ, саразыныл дæр. Дзæукъаты Аленæйы ныхæстæм гæсгæ ботаникон цæхæрадон фыццаджыдæр у наукон-иртасæн проект. Ам сагъд ис 1200 зайæгойы. Уыдонæй Цæгат Ирыстоны раздæр иу дæр нæ зади. Ахуыргонд ботаниктæ æмæ дендрологтæ лæмбынæг кæсынц, мах климæты уавæрты хуыздæр кæцы хуызтæ ныххæцынц, уымæ. Афтæмæй аразынц мыггæгтæ. Сæ иртæстытæ раргом кæндзысты аграрон ахуыргæнæндæттæн. Лавандæ та ссардзæн промышленнон хъæугæдзинад.

Ботаникон цæхæрадон сси нæ республикæйы аивдæр бынæттæй иу. Дунейы рæсугъддæр зайæгойтæ фенæн уыдзæн алкæмæн дæр. Проект хъуамæ æххæстгонд фæуа 2025 азы кæронмæ.

vgtrk_alania
vgtrk_alania
vgtrk_alania
vgtrk_alania