Æдзух 10 адæймаджы медицинон кусæнуаты æххæст кæнынц сыгъдæгдзинады æмæ æндæр хъæугæ фарстатæ
Рæсугъд фæндтæ æмæ зæрдиаг архайд. Дзæуджыхъæуы Епархийы хотæ æххуыс кæнынц, æфсæддон госпиталы сæрмагонд æфсæддон операцийы архайджытæн йæ цæфтæ чи дзæбæх кæны, уыцы медицинон кусджытæн. Æдзух 10 адæймаджы медицинон кусæнуаты æххæст кæнынц сыгъдæгдзинады æмæ æндæр хъæугæ фарстатæ. Бæстондæр радзурдзæн Чехойты Фатимæ.
Дзæуджыхъæуккаг Епархийы хотæ афæдзæй фылдæр æфсæддон госпиталы æххуыс кæнынц, сæрмагонд æфсæддон операцийы цæф лæппуты чи дзæбæх кæны, уыцы медицинон кусджытæн. Сыгъдæг Мария ЯсЫняйы номыл иугонды хистæр хо Марина Постниковайы ныхæстæм гæсгæ, сылгоймæгæн иуварс лæууын йæ бон нæ уыд. Уый иннæтимæ кусы сыгъдæгдзинадыл, архайы рынчынтæн афойнадыл хæринаг бадæттыныл. Хотæ аныхас кæнынц цæф лæппутимæ. Æфсæддонтыл баузæлын нымайынц сæ хæсыл.
Дзæуджыхъæуккаг æмæ Алайнаг алчыр Герасимы фæндæй Сыгъдæг Мария ЯсЫняйы номыл иугонды хотæ Дзæуджыхъæуы æфсæддон госпиталы архайынц 2023 азæй нырмæ. Æдзух дзы вæййы 10 адæймаджы. Æмгуыст кæнынц бæстæйы æндæр горæтты се *мхуызæн хоты иугондтимæ дæр. Уыдысты Ростовы æмæ Екатеринбурджы госпитальты. Иннæты фæлтæрддзинадимæ зонгæ кæнын у æнтыстджын куыстæн æххуыс.
Республикæйы медицинон колледжы бындурыл Дзæуджыхъæуккаг Епархийы Сыгъдæг Мария ЯсЫняйы номыл иугонды хотæн сарæзтой профессионалон ахуыртæ. 412-æм æфсæддон госпиталы сæргълæууæг Аркадий Смольников куыд загъта, уымæ гæсгæ уыдоны архайд стыр æххуыс у медицинон кусджытæн. Сæ куысты руаджы цæф лæппутæн тагъддæр фæфидар вæййы се *нæниздзинад.
Аудæндзинадæн арæнтæ нæй. Сыгъдæг Мария ЯсЫняйы номыл иугонды хотæ æхсызгонæй æнхъæлмæ кæсынц алы адæймагмæ дæр. Æрбацæуыны фадат ис алкæмæн дæр. Зæрдиаг æххуысæн ам кæнынц стыр аргъ.
