07 июля 2022, 11:54
Дзæуджыхъæуы фæкæсынхъуаг бинонты сывæллæттæн арæзт æрцыди хæрзаудæн мадзал
Равдыстой сын мультипликацион нывтæ
Дзæуджыхъæуы фæкæсынхъуаг бинонты сывæллæттæн арæзт æрцыди хæрзаудæн мадзал. Равдыстой сын мультипликацион нывтæ. Ахæм киноравдыстытæ «Иугонд Уæрæсе»-йы партион проекты фæлгæты фæцæуынц алы къуыри дæр. Акци æххæстгонд цæуы ныр 5 аз. Алы сеансмæ дæр æрбахонынц 80 сывæллоны онг. Се хсæн республикæйы социалон куыстуæтты хъомылгæнинæгтæ, фæкæсынхъуаг æмæ бирæсывæллонджын бинонты, стæй царды уæззау уавæрты чи бахауди, ахæм сабитæ. Проект аразджытæ куыд зæгъынц, афтæмæй ахæм мадзæлттæ рæзгæ фæлтæры раст хъомыладæн сты стыр ахъаз. Уымæн æмæ сын цы кинонывтæ равдисынц, уыдон разæнгард кæнынц хæлардзинадмæ æмæ сывæллоны зæрдæйы гуырын кæнынц æхсызгон æнкъарæнтæ.
темæмæ гæсгæ
