филиал вгтрк государственная телерадиовещательная компания “Алания”

Дзæуджыхъæуы фæндæгтæм рацыдис 9 ног автобусы. Уыдон скъолатæм, ахуырмæ ласдзысты, дæрддзæф районты чи цæры, уыцы сывæллæтты. Транспортон фæрæзтæй иу сæрмагондæй у Цмийы, Уæллаг æмæ Дæллаг Ларсы сывæллæттæн. Уыдон ахуыр кæнынц Балтайы скъолайы. Автобусты ис æппæт уавæртæ, цæмæй сывæллæтты æдасдзинад баххæст кæной, уымæн. Балхæдтой сæ Уæрæсейы Хицауады резервон фонды фæрæзтæй. Уæ зæрдыл уын æрлæууын кæндзыстæм — нæ республикæ ног автобустæ райста ацы аз октябры. Арвыстой сæ Горæтгæрон æмæ Æрыдоны районтæм, стæй Дзæуджыхъæуы скъолатæн.