филиал вгтрк государственная телерадиовещательная компания “Алания”

Дзæуджыхъæуы фæсивæдон центры уыд культурæйы кусджыты профцæдисы кадджын æмбырд. Баст уыд æхсæнадон организацийы 70 азимæ. Мадзал райдыдта цæдисы историйыл афæлгæстæй. Теркаг облæсты профессионалон змæлдæн бындур æвæрд æрцыд 20-æм æнусы райдиан. Февралы революцийы фæстæ кусæг кълас бавнæлдта дзыллон профессионалон организацитæ аразынмæ. Культурæйы кусджыты иугонд профцæдис та Цæгат Ирыстоны фæзынд 1953-æм азы. Абон республикæйы æхсæнадон организацийы хыгъды ис 5 мин адæймаджы онг. Æмбырды схорзæхджын кодтой профцæдисон спартакиадæйы æмæ хуыздæр профцæдисон организаци сбæрæг кæныны конкурсы уæлахиздзауты æмæ призерты.