Ацы ног къабазы сахуыр кодтой 5 адæймаджы
Дзæуджыхъæуы фæзындзысты экскурсоводты æххуысгæнджытæ. Ацы ног къабазы сахуыр кодтой 5 адæймаджы. Уыдонæн сæ бон экскурситæ аразын уыдзæн, æвзæр чи хъусы æмæ гоби туристтæн. Экскурсоводты æххуысгæнджытæ ахуырадон курс ацыдысты профессионалон цæттæдзинады центры. Мæй æмæ рдæг фæсивæд бæстон æмæ бæлвырд зонгæ кодтой Дзæуджыхъæуы маршруттимæ æмæ сæйрагдæр зæрдылдарæн бынæттимæ. Уымæй дарддæр ма сæ бон туристтæн амонын уыдзæн Куырттаты комы рæсугъддзинæдтæ, историон бынæттæ æмæ культурон объекттæ. Инклюзивон туризмы рæзтыл архайын Цæгат Ирыстоны бантыст, федералон программæ «Æрыгон профессионалтæ» æххæст кæнгæйæ. Уæзхъус æмæ гобиты скъолайы ахуырдзаутæ ныридæгæн ацыдысты аттестаци, æмæ ныр цæттæ сты, нæ республикæйы уазджытæн экскурситæ аразынмæ.
