Ныхас цæуы, бынæттон æмæ республикон бюджеттæй ифтонггонд чи цæуы, уыцы фæлхасгæнджытыл
«Дзæуджыхъæуы газуадзæн куыстуат» фехъусын кодта, Цæгат Ирыстоны 10 мæйы хатдзæгтæм гæсгæ, фиддонты уавæр кæй фæхуыздæр, уый. Ныхас цæуы, бынæттон æмæ республикон бюджеттæй ифтонггонд чи цæуы, уыцы фæлхасгæнджытыл. Уый тыххæй фехъусын кодта компанийы генералон директор Хъодзаты Алан, Битарты Вячеславы разамындæй бынæттон хиуынаффæйады оргæнтимæ цы æмбырд арæзт æрцыд, уым. Фаронимæ абаргæйæ, газæн фиддонты бæрц, республикæйы æмтгæй райсгæйæ, фæфылдæр 109%. Хуыздæрты хсæн нымад у Æрæфы район. Уый ацы азы январæй – октябры онг сси 145% фылдæр. Фылдæр хæстæ дарынй Рахизфарсы æмæ Дыгуры районтæ. Фæлæ уæддæр фиддонтæ фæфылдæр сты дыууæ муниципалитеты дæр. Хуымæтæг уавæр нæй хъармдæттæг организациты фиддонтимæ. 1-æм ноябрьмæ сæ иумæйаг хæс у 2 миллиард сомæй фылдæр. Уыцы хыгъдмæ нæ хауынц Мæздæджы æмæ Æрæфы районты хъармдæттæг куыстуæттæ. Битарты Вячеслав цæрæнуæтты-коммуналон хæдзарады æмæ энергетикæйы министр Таматы Майрæнæн æмæ районты сæргълæуджытæн бабар кодта æппæт куыстытæм цæстдарын.
