03 сентября 2025, 10:37
Дзæуджыхъæуы генералон пъланыл кусы наукон-иртасæн институт «Зæхх æмæ горæт»
Уымæ гæсгæ республикæйы сæйраг горæт рæздзæн дарддæр 20 азы дæргъы, хъусын кæны бынæттон администрацийы пресс-службæ
Дзæуджыхъæуы генералон пъланыл кусы наукон-иртасæн институт «Зæхх æмæ горæт». Уымæ гæсгæ республикæйы сæйраг горæт рæздзæн дарддæр 20 азы дæргъы, хъусын кæны бынæттон администрацийы пресс-службæ. Институт бакуыста æмæ бацæттæ кодта Цæгат Кавказы Федералон зылды зæххæй пайда кæныны тыххæй гæххæттытæ æмæ домæнтæ. Специалистты хъуыдымæ гæсгæ, генералон пълан саразыны размæ уал, хъуыдис иумæйаг комплексон куыст бакæнын: хъæугæ гæххæттытæ æмæ æрмæг сæмбырд кæнын. Дарддæр та хъуамæ сæ хъуыдытæ зæгъой адæм дæр. Ноябрмæ пъланы фыццаг хуыз уыдзæн цæттæ. Уый фæстæ та йæ сæхи æрмæгæй баххæст кæныны бар уыдзæн профилон куыстуæттæн.
темæмæ гæсгæ
