Ахæм уынаффæ хаст æрцыди республикæйы хицауады æмбырды
Дзæуджыхъæуы гимназ «Диалог» амæй фæстæмæ хæсдзæн Уæрæсейы хъæбатыр Тыбылаты Мараты ном. Ахæм уынаффæ хаст æрцыди республикæйы хицауады æмбырды. Уымæй уæлдай министртæ хорзыл банымадтой Цæгат Ирыстоны бæхты-спортивон скъолайæн Уæрæсейы сгуыхт тренер Хъыбызты Фердинанды ном радтыны закъоны проект. Хицауады æмбырды боны фæткы – фæсивæдон политикæйы къабазы Цæгат Ирыстоны хициуады премийы лауреатты фарста дæр. Ахæм кады аккаг систы 3 адæймаджы. Хицауады уæнгтæ хорзыл банымадтой Абайты Васойы номы стипенди исын йæ бон кæй мæнæвæрттæн у, ахæм ахуыргæнæндæтты номхыгъд фæуæрæхдæр кæныны хъæппæрис. Нырæй фæстæмæ уыдон сты республикæйы æппæт уæлдæр ахуыргæнæндæттæ æмæ наукон центртæ. Æмбырды æрдзырдтой Цæгат Ирыстоны атмосфæрæйы уæлдæф хъахъхъæныныл дæр. Закъоны проектыл бæлвырдæй æрлæууыди æрдзон æвæрнæты æмæ экологийы министр Бæззаты Вадим.
