12 октября 2023, 11:48
Дзæуджыхъæуы Горькийы уынджы кæронмæ фæхæццæ кæнынц цалцæггæнæн куыстытæ
Фæндаджы уæлцъал аивыны куыстытæ райдыдтой 3 мæйы размæ. Фыццаг къæпхæны уал специалисттæ систой чи нал бæззы, уыцы асфальт, сраст кодтой фæндаджы бындур, стæй йыл сæвæрдтой ног асфальт. 8 сæдæ æхсай метры уаддзагыл ногтæй баивтой æппæт фæрæзтæ æмæ кусæнгæрзтæ. Подрядон организацийы уæнгтæ куыд зæгъынц, афтæмæй ма дзы цы куыстытæ баззад, уыдон та фæуыдзысты ацы къуырийы кæронмæ. Горькийы уынджы цалцæггæнæн куыстытæ цæуынц федералон программæ «Æдас æмæ хæрзхъæд фæндæгтæ» æххæстгæнгæйæ.
темæмæ гæсгæ
