Ныртæккæ райдыдтой мидæгæй коммуникацитæ аразын æмæ бæстыхайы
Дзæуджыхъæуы госпиталы фæзуаты арæзт цæуы поликлиникæ. Ныртæккæ райдыдтой мидæгæй коммуникацитæ аразын æмæ бæстыхайы. 2023-æм азы та ма ам сараздзысты, 300 рынчыны боныгон кæм дзæбæх кæндзысты, ахæм бæстыхай, дæндæгтæ дзæбæхгæнæн æмæ реанимаци. Уымæй дарддæр ма арæзт цæуы суворовон училищæ дæр. Бæлвырддæр ацы объектты тыххæй радзурдзæн Фидараты Маринæ.
Дзæуджыхъæуы ног госпиталы арæзтад цæуы, куыд фæзæгъынц, дысфæлдæхтæй, æнæрынцойæ. Корпустæ сты арæзт, ныр къултæ цæуынц аивгонд. Фыццаджыдæр сæ бакусын хъæуы поликлиникæйы цæттæдзинадыл, æргом аздахын машинæты лæууæн бынатмæ æмæ, æмтгæй райсгæйæ, фæзуаты фæлгонцыл.
Арæзт ма цæуы Цæгат Кавказы Суворовон училищæ дæр. 2020-æм азы, сентябры хъуамæ суазæг кæна йæ фыццаг курсантты. Ног ахуыргæнæндоны бынат уыдзæн 560 адæймагæн. Йæ фæзуатыл уыдзæн æхгæд спортивон комплекс, бассейнимæ, къахдзоныгътыл бырæн бынат æмæ рог атлетикон фæлтæрæнтæ кæныны зал.
Училищæйæн проект саразæтой Санкт-Петербурджы архитектортæ. Æмтгæй райсгæйæ дзы уыдзæн 26 объекты, сæ иумæйаг фæзуат та у 80 мин квадратон метры. Куыстытæ фæуыдзысты 2 азмæ.
