филиал вгтрк государственная телерадиовещательная компания “Алания”

Дзæуджыхъæуы хъармдæттæг куыстуæттæ зымæгмæ цæттæ сты 84 проценты, республикæйы та – 77. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Куыстытæ цæуынц æппæт районты. Специалисттæ ногтæй ивынц æмæ цалцæг кæнынц хъармгæгæн системæтæ. Ныридæгæн бирæ рæтты æнтыстджынæй бакуыстой – Революцийы, Иристонскийы, Пушкинскийы, Масленниковы, Плиты Иссæйы номыл уынгты. Республикæйы хицауад цæрæнуæтты коммуналон хæдзарады, артаджы æмæ энергетикæйы министрады размæ сæвæрдта хæс – хъызт рæстæгмæ афтæ бацæттæ кæнын, цæмæй адæмæй хъаст ма *рбацæуа. Республикæйы цæрджытæн зымæгмæ саразын хъæуы æнцонвадат æмæ æдас уавæртæ.