Ерыс арæзт у, наукæйы, сфæлдыстады, спорты, фæсивæдон политикæйы, æхсæнадон архайды æмæ бархиондзинады иттæг хорз бæрæггæнæнтæ кæй къухы бафтыд, уыцы скъоладзаутæн æххуысы нысанимæ
Дзæуджыхъæуы хатдзæгтæ скодтой республикон конкурс «Афæдзы ахуырдзау»-æн. 7 номинацийы – 7 уæлахиздзауы. Алы архайæгæн дæр бантыст равдисын йæ арæхстдзинад æмæ курдиат. Ерыс арæзт у, наукæйы, сфæлдыстады, спорты, фæсивæдон политикæйы, æхсæнадон архайды æмæ бархиондзинады иттæг хорз бæрæггæнæнтæ кæй къухы бафтыд, уыцы скъоладзаутæн æххуысы нысанимæ. Конкурс «Афæдзы ахуырдзау» сси, курдиатджын сывæллæттæн сæхи раргом кæныны æмæ фæлтæрддзинад райсыны хорз фадат. Финалмæ рацыдысты æппæт районты минæвæрттæ – 50 скъоладзауæй фылдæр. Се *ппæт архайджыты схорзæхджын кодтой сертификаттæй, уæлахиздзаутæн та саккаг кодтой призтæ æмæ æхцайы премитæ. Ноябры хуыздæртæ нæ республикæйы кад хъахъхъæндзысты конкурсы федералон къæпхæны Мæскуыйы.
