10 разамонæгæн æмæ 4 уæлахиздзау командæйæн радтой дипломтæ
Дзæуджыхъæуы хорзæхджынгонд æрцыдысты конкурс «Къласы педагог»-ы архайджытæ æмæ уæлахиздзаутæ. 10 разамонæгæн æмæ 4 уæлахиздзау командæйæн радтой дипломтæ. Проекты иннæ архайджытæн та центры æмæ Цæгат Ирыстоны ахуырады æмæ наукæйы министрады сертификаттæ. Иу мæй æрыгон ахуыргæнджытæ цыдысты стажировкæ, бацæттæ кодтой гом уроктæ, 4 уæлахиздзау командæйы та скодтой командон хъæзтытæ Цъæйы комы. Конкурсы уæлахиздзаутæ систы Джиоты Лейлæйы, Гаджыты Аланæйы, Бозырты Иринæйы æмæ Дзаболаты Ларисæйы командæты уæнгтæ. Æрыгон педагогты дæсныйад уæлдæргæнæн конкурс цæуы ныр 2-аг аз. Йæ аразджытæ сты ахуырадон центр «Стартап» президенты грантты фонд, фæсивæды хъуыддæгты фæдыл федералон агентад æмæ ахуырады министрад.
