Сарæзтой йæ, цæмæй æрдзурой бизнесы фарстатыл, æмæ куыд лыггæнгæ сты, ууыл
Дзæуджыхъæуы инновацион фæз «Точка кипения»-йы ацыд радон форум æрыгон амалхъом адæмæн. Сарæзтой йæ, цæмæй æрдзурой бизнесы фарстатыл, æмæ куыд лыггæнгæ сты, ууыл. Форумы архайджытæ – чысыл æмæ астæуккаг бизнесы минæвæрттæ, маркетологтæ, стæй SMM-специалисттæ. Фæлтæрдджын эксперттæ сарæзтой дæсныйадæвдисæг ахуыртæ, æрдзырдтой бизнесы фæзилæнтыл. Спикертæ бацæттæ кодтой презентацитæ æмæ радзырдтой, бизнес аразгæйæ цы сæйраг къæпхæнтæ вæййы, уыдоны тыххæй. Къорды разæнгард, разамонæджы хæстæ æмæ афтæ дарддæр. Мадзалмæ æрбацыдысты æрыгон амалхъом адæм æмæ студенттæ дæр. Форум сарæзтой центр «Точка кипения»-йы хъæппæрисæй. Æмгуыстад бакодтой «Алания бизнес – акселератор»-имæ æмæ бизнес – клуб NOMADS-имæ.
