филиал вгтрк государственная телерадиовещательная компания “Алания”

Дзæуджыхъæуы историйы музейы байгом равдыст «Тихая жизнь акварели». Экспозицимæ хаст æрцыдысты 60 куысты онг. Скодтой сæ архитектурæ æмæ дизайны Академийы 8 студенты. Æрыгон мастерты нывты равдыстытæ арæх фенæн вæййы нæ горæты алы музейты. Ацы экспозици та у æрвылазон: студентты куыстытæ традицимæ гæсгæ равæрынц ахуыры азы райдианмæ. Уымæй дарддæр мæ фæсивæд фæархайынц конкурсты. Фæстаг хатт ахæм конкурс цыди Санкт-Петербурджы. Ирыстоны æвзонг нывгæнджыты уацмыстæн дзы скодтой бæрзонд аргъ. Кады гæххæттытæ сын радтой, ацы равдыст байгом кæныны рæстæг. 80 æвзонг архитекторæй фылдæр æрбацыдысты равдыстмæ, цæмæй бацин кæной се мбæлтты æнтыстдзинадыл. Равдыст фенæн уыдзæн сентябры кæронмæ.