Уый фæдыл мадзал арæзт æрцыд Евгений Вахтанговы номыл Академион уырыссаг театры
Дзæуджыхъæуы кад кодтой 100 аздзыд ветерантæн. Уый фæдыл мадзал арæзт æрцыд Евгений Вахтанговы номыл Академион уырыссаг театры. Юбилярты хсæн – Пагæты Алыксандр, ацы бонты йыл сæххæст 100 азы. У Фыдыбæстæйы Стыр хæсты архайæг. Фронтмæ ацыд 1943-æм азы. Уæгъд кодта Ленинграды облæсть. 30 азæй фылдæр службæ кодта флоты. Уый фæстæ кодта æхсæнадон æмæ æфсæддон-патриотон хъомылады куыст. Пагæты Алыксандрæн кадджын уавæры радтой майдан, Приморский крайы рæзтмæ стыр æвæрæн кæй бахаста, уый тыххæй. Бирæ рæстæг царди æмæ куыста уым. Арфæтæ ракодтой Александр Варламовæн дæр. Ууыл 100 азы сæххæст уыдзæн августы. Хæсты рæзтæг Александр Николаевич тох кодта Фæсбайкалы фронты, уыд сапер. Архайдта Япониимæ хæсты. Декабры та 105 азы сæххæст уыдзæн Хуыдиаты Черменыл. Медицинон службæйы лейтенант Уæлахизыл сæмбæлд Венæйы. Хæсты фæстæ та фæллой кодта нæ бæстæйы рудникты. Ветерантæн раарфæ кодта республикæйы Сæргълæууæг Сергей Меняйло.
