14 мая 2021, 11:55
Дзæуджыхъæуы кад кодтой ирон æвзаг æмæ литературæйы олимпиадæйы призертæн
Уыдон та уыдысты 35 адæймаджы
Дзæуджыхъæуы кад кодтой ирон æвзаг æмæ литературæйы олимпиадæйы призертæн. Уыдон та уыдысты 35 адæймаджы. Скъоладзаутæн æмæ сæ олимпиадæмæ чи цæттæ кодта, уыцы педагогтæн кадджын уавæры радтой кады гæххæттытæ. Фыццаг бынæттæ чи бацахста, уыдонæн та радтой æхцайы премитæ. Уæвгæ, ирон æвзаг æмæ литературæйæ олимпиадæ арæзт фæцæуы алы аз. Уый æмрæнхъ ма вæййынц æндæр ахсджиаг мадзæлттæ дæр. Сæ нысан у ирон æвзаг парахат кæнын, æмæ йæм рæзгæ фæлтæры ргом здахын. Ацы аз олимпиадæйы республикон къæпхæны архайдтой 143 скъоладзауы. Фæлæ æхсызгон у, афæдзæй-афæдзмæ сæ нымæц кæй рæзы, уый.
темæмæ гæсгæ
