06 ноября 2019, 12:09
Дзæуджыхъæуы кæронмæ æрхæццæ Хуссар æмæ Цæгат Кавказы Федералон зылдты ерысты фыццаг къæпхæн хоккейæ
Турниры архайынц, 11 азы онг кæуыл цæуы, ахæм спортсментæ
Дзæуджыхъæуы кæронмæ æрхæццæ Хуссар æмæ Цæгат Кавказы Федералон зылдты ерысты фыццаг къæпхæн хоккейæ. Турниры архайынц, 11 азы онг кæуыл цæуы, ахæм спортсментæ. Ерыстæ саразыныл бакуыста Уæрæсейы хоккейы Федерацийы филиал Сочийы. Хъæзтытæ цыдысты 5 боны фæд-фæдыл Дзæуджыхъæуы Ихын Галуаны. Ихы фæзы æмбæлыдысты æртыгай командæтæ. Афтæмæй фыццаг къæпхæны ерыс кодтой 6 командæйы Ростовæй, Аксайæ, Волгоградæй, Волжскийæ, Стъараполæй æмæ Дзæуджыхъæуæй. Турнир саразджыты хъуыдымæ гæсгæ ма ацы командæтæ фембæлдзысты дыккаг къæпхæны. Уыдзæн зымæджы. Уалдзæджы та йæ хатдзæгтæм гæсгæ сбæрæг кæндзысты, финалмæ чи бацæудзæн, ахæм 4 командæйы. Финал уыдзæн Сочийы.
темæмæ гæсгæ
