филиал вгтрк государственная телерадиовещательная компания “Алания”

Дзæуджыхъæуы кæронмæ æрхæццæ Цæнгæт хиды цалцæг. Базылдысты къахвæндаджы зонæмæ, сцалцæг кодтой аразгæ конструкцитæ стæй бырутæ дæр. Уымæй дарддæр ма сæвæрдтой рухсгæнæнтæ. Чкаловы уынджы та кæронмæ æрхæццæ сты хидмæ базилыны бæстон куыстытæ. Дзæуджыхъæуы администрацийæ куыд фехъусын кодтой, афтæмæй конструкциты техникон уавæрмæ цæстдард æнæмнг хъæугæ у, канд хидты эксплуатаци фæдæргвæтиндæр кæныны тыххæй нæ, фæлæ ма афтæмæй куыст цæуы нæ республикæйы сæйраг горæты эстетикон хуызыл дæр.